Богородичные иконы «Яко да под Державою Твоею всегда храними…»

«Когда увидишь икону Пресвятой Богородицы, обрати сердце свое к Ней, Царице Небесной, и возблагодари ее за то, что Она явилась такою, готовою на покорность воле Божией, что родила, вскормила и воспитала Избавителя мира, и что в невидимой брани нашей никогда не оскудевает Ее предстательство и помощь нам» (Преподобный Никодим Святогорец)

Державная икона Божией Матери

 Один из списков Державной иконы

Величание: «Величаем Тя, Пресвятая Дева, Богоизбранная Отроковице, и чтим Державный образ святыни Твоея, имже подаеши велию милость всем, с верою к нему притекающим»

С. Бехтеев
***
Перед Твоей Державною иконой
Стою я, трепетом молитвенным объят,
И лик Твой царственный, увенчанный короной
Влечет к себе мой умиленный взгляд.
В годину смут и трусости бесславной,
Измены, лжи, неверия и зла
Ты нам явила образ Твой Державный,
Ты к нам пришла и кротко прорекла:
«Сама взяла Я скипетр и державу,
Сама Я их вручу опять царю,
Дам царству Русскому величие и славу,
Всех окормлю, утешу, примирю».
Покайся ж, Русь, злосчастная блудница,
Омой в слезах свой оскверненный стыд!
Твоя Заступница, Небесная Царица,
Тебя и грешную жалеет и хранит!

Крестьянка слободы Перервы Бронницкого уезда Евдокия Адрианова во снах стала видеть Богородицу, велевшую пойти в Коломенское и найти там «чёрную» (то есть старую) икону и сделать её «красной» (восстановить). Крестьянка рассказала о снах настоятелю Вознесенского храма в Коломенском. После долгих поисков в подвалах церкви была найдена большая почерневшая от времени икона. На доске проступало изображение Христа на коленях у Богородицы, в руках Богородицы — царские регалии, скипетр и держава.

В донесении Синоду об этом событии митрополит Тихон, в частности, писал о иконе: «По сведениям, данным Членом Комиссии от Церковно-Археологического отдела при Московском Обществе Любителей Духовного Просвещения — протоиереем Страховым: икона не древняя, приблизительно конца XVIII века (не старше), по форме (вверху овальная) иконостасная, средняя, из третьего пояса (пророческого). По образу написания икона принадлежит к типу Цареградских икон Богоматери. Икона, вероятно, осталась от иконостаса, бывшего от Вознесенско[й] церкви ранее нынешнего (и об этом иконостасе известный археолог И. Снегирев сообщает, что он в своё время был перенесен из одной из церквей Московского Вознесенского монастыря)». Вскоре после обретения икону обновили в мастерских московского Алексеевского монастыря.

После обретения иконы, в тот же день, 2 марта 1917 года (15 по новому стилю), вечером в 23 часа 40 минут, император России Николай II подписал отречение от престола в пользу брата, великого князя Михаила Александровича.

Икона стала предметом стихийного почитания в местности вокруг села Коломенского. Вскоре почти в каждом храме имелся список «Державной», были подготовлены служба и акафист иконе. В их составлении принимал участие патриарх Тихон.

В советское время икона хранилась в запасниках Исторического музея. В 1990 году икона была возвращена в Коломенское.

«Богоматерь в третий день по блаженном Успении Своем воскресла и ныне жительствует на Небесах душою и телом. Она не только жительствует на Небесах, Она царствует на Небесах: Ей даны особенная власть и особенное дерзновение ходатайствать пред Богом о человечестве» (Святитель Игнатий Ставропольский)

Чудеса Державной иконы Божией Матери

 Подлинник Державной иконы Божией Матери из Казанской церкви села Коломенского. 2 (15) марта 1917 (обретение), создание иконы относят к концу XVIII века. Храм Казанской иконы Божией Матери, Коломенское

Когда Россию облетело известие, что произошло чудесное обретение иконы Божией Матери «Державной», в село Коломенское под Москвой толпами стали стекаться богомольцы. Одним из них был московский профессор И.М. Андреев. Вот что он писал о первой своей встрече с иконой: «В трепете и страхе, с мольбой о прощении упал я ниц и после троекратного земного поклона приложился к иконе. Долго, молча, сосредоточенно, внимательно, с сердцем, захлебывающимся от горьких слез покаяния и сладких слез умиления и благодарности, смотрел я на дивную икону, овеянную духовным благоуханием святости и тонким физическим запахом розового масла».

Спустя какое-то время «Державная» икона явила чудо обновления. И.М. Андреев был свидетелем и этого. «Через несколько недель, — вспоминал он, — мне вторично удалось побывать в селе Коломенском, и я был глубоко потрясен изменением иконы: она сама собой обновилась, стала светлой, ясной и... "красной", так как особенно стала бросаться в глаза царская порфира, как бы пропитанная кровью. Зная исключительную силу веры государя Николая II и его особенное благоговейное почитание Божией Матери, мы можем предположить, что и его молитвами Царица Небесная взяла на себя верховную царскую власть над народом, отвергшим царя-помазанника».

Чтобы дать возможность всем желающим поклониться новому образу, его стали возить по окрестным храмам, фабрикам и заводам, оставляя в Вознесенской церкви только в воскресные и праздничные дни. Икона побывала в Марфо-Мариинской обители в Замоскворечье, где ее торжественно встречала основательница и настоятельница обители великая княгиня Елизавета Федоровна.

Обретение «Державной» произошло через четыре месяца после того, как святитель Тихон был возведен на патриарший престол. Он и написал акафист Державной иконе Божией Матери.

После революции, в годы жестокого гонения на Церковь, новоявленная икона не переставала изливать чудеса, укрепляя и утешая верующих. Известен случай, когда ходатайством Божией Матери в день празднования Ее Державной иконы в 1925 году был освобожден из тюрьмы настоятель храма Святителя Николая в Плотниках протоиерей Владимир Воробьев. Он был в числе почитателей иконы и каждое воскресенье вместе со своим хором и прихожанами приходил в Коломенское служить акафист. Многие духовные дети отца Владимира продолжали молиться перед «Державной» и тогда, когда сам он был арестован богоборческой властью и заключен в тюрьму. Освобождение его было настоящим чудом и произошло неожиданно 2 (15) марта — в день празднования Державной иконы Божией Матери.

После прославления «Державной» Евдокия Андрианова, благодаря которой была найдена икона, стала собирать деньги на ризу к ней. Она решила поехать в Серафимо-Дивеевский монастырь и попросить благословение на возложение ризы. Но тут она снова удостоилась видения Божией Матери, Которая сказала, что не надо возлагать ризу, потому что драгоценные ризы скоро будут снимать с икон по всей России...

В период гонений на Церковь Державная икона исчезла. Еще недавно считалось, что чудотворный образ сохранился лишь в списках, но теперь уже точно установлено, что святыня все эти годы пребывала в запасниках Исторического музея. 27 июля 1990 г., в канун памяти святого равноапостольного князя Владимира, икону перевезли в родное Коломенское, где она пребывает в Казанском храме.

«Небесная Царица – первая и высшая ходатаица наша пред Сыном и Богом Своим, покров всего мира, подательница всех благ, утешение, прибежище и спасение наше» (Преподобный Ефрем Сирин»

Иконография

Один из списков Державной иконы

Святая Дева Мария изображена как совершенная из всех людей, ведь выше нее — лишь Христос. Она не только заступница людей на земле, но и путеводительница их в жизнь небесную.

Державная икона Божией матери имеет отличительные особенности, которые отражены даже в ее названии:

    Тип — Панахранта или Всецарица;

    Дева Мария расположена на троне, а на ее голове — корона;

    одежда Богородицы имеет ярко-красные цвета, которые характерны для любого царского облачения;

    трон с закругленной спинкой золотого цвета;

    располагается Богородица чуть на возвышении, а в руках у нее — атрибуты монаршей власти: корона, скипетр и держава;

    Христос изображен отроком и находится на коленях у Матери;

    Облачен Христос в светлые одежды;

    Одна рука Его поднята для благословения, а вторая указывает на державу.

Расположение Богородицы, ее одежда, перст Христа, направленный на нее — все это подтверждает царственный статус Девы Марии и ее достоинство как Царицы Небесной. Некоторые копии имеют сверху изображение Бога Отца, однако по канону это неверно, поскольку изображать Господа запрещено, ведь грешный человек не смеет даже взглянуть на Него.

 Источник: http://molitva-info.ru/ikony/ikona-bogoroditsy-derzhavnaya.html

Акафист Пресвятой Богородице пред иконой «Державная»

Один из списков Державной иконы в кронштадтском Никольском морском соборе

Кондак 1

Избранней от всех родов Заступнице рода христианскаго, покровом Своея благости покрывающей страну нашу православную, благодарственная пения приносим Ти, Владычице, о явлении нам чудныя иконы Твоея "Державныя". Ты же, яко Всемилостивая Заступница всех с верою к Тебе притекающих, от всяких нас бед свободи, да зовем Ти:

Радуйся, Мати Божия Державная, Заступнице усердная рода христианскаго.

Икос 1

Ангелом радость приимшая, благоволила еси, Владычице, возвестити старице благочестивей радость о явлении иконы Твоея честныя "Державныя", юже и обретше по указанию Твоему, яко знамение милости Божией к нам, грешным, благодарственно вопием Ти сице:

Радуйся, воли Господней тайны нам открывающая; радуйся, гнев Его праведный, на ны движимый, умягчающая.

Радуйся, зловерия нечестивых обличение; радуйся, гордыни их низложение.

Радуйся, веры христианския утверждение; радуйся, почитания святых икон освящение.

Радуйся, тихое пристанище спасения душ наших; радуйся, Всемилостивая Заступнице наша у престола Святыя Троицы.

Радуйся, от бед и скорбей наше избавление; радуйся, Церкве Православныя утверждение.

Радуйся, Звездо Невечерняго Света, нас озаряющая; радуйся, Матерь Света, всех просвещающая.

Радуйся, Мати Божия Державная, Заступнице усердная рода христианского.

Кондак 2

Видящи, Всенепорочная, с высоты небеснаго жилища Своего, идеже с Сыном Твоим во славе пребываеши, скорбь верных рабов Твоих, яко гневнаго ради Божия посещения вера Христова поругаема бывает нечестивым зловерием, благоволила еси явити нам икону Твою "Державную", да вси христолюбивии людие усердно молятся пред нею, вопиюще Богу: Аллилуиа.

Икос 2

Разуму нашему просвещение свыше исходатайствуй, Пресвятая Богородице, да познаем, что есть воля Божия благая, угодная и совершенная, и сердце направи, еже со усердием творити ю, Тебе же, Всемилостивая Заступнице, непрестанными гласы восхваляти:

Радуйся, явлением честныя иконы Твоея тьму лютых обстояний от нас отгоняющая; радуйся, лучами чудес всех просвещающая.

Радуйся, душевными и телесными очами ослепших прозрение; радуйся, омраченных смыслов просвещение.

Радуйся, всех христиан вожделенная Помощнице; радуйся, всех уповающих на Тя непостыдная надеждо.

Радуйся, вдов и сирот надежный покрове; радуйся, алчущих Питательнице.

Радуйся, духовных сокровищ Подательнице; радуйся, богомудрых премудрая доброто.

Радуйся, пресветлая, Божественная красото; радуйся, обоняние Христова благоухания.

Радуйся, Мати Божия Державная, Заступнице усердная рода христианскаго.

Кондак 3

Силу Божественныя благодати даруй нам, Пресвятая Богородице, во еже неуклонно и непреткновенно ходити нам спасительным путем Христовых заповедей, сердцем же и устами непрестанно воспевати Всемогущему Богу: Аллилуиа.

Икос З

Имуще Тя, Богоизбранная Заступнице рода христианскаго, яко зарю светлую, просвещающую душ наших темноту и разгоняющую мрак сердечнаго неведения нашего, припадаем к честней иконе Твоей "Державней" и с умилением вопием Ти сице:

Радуйся, сохраняти и спасати всех призывающих Тя обещавшая; радуйся, прославляющих Тя прославляющая.

Радуйся, к Сыну Твоему и Богу нашему молитвы верных приносящая; радуйся, благодать Твою иконам Твоим честным даровавшая.

Радуйся, всю вселенную лучами Твоея благодати озарившая; радуйся, премудрости Божия приятелище.

Радуйся, Божественныя благодати Подательнице; радуйся, яко Тобою от вечныя смерти свобождаемся.

Радуйся, яко Тобою безконечныя жизни сподобляемся; радуйся, честнейшая Херувим и славнейшая Серафим.

Радуйся, Матерь Света и Царице Небесная; радуйся, Владычице, Всемилостивая за нас пред Богом Заступнице.

Радуйся, Мати Божия Державная, Заступнице усердная рода христианскаго.

Кондак 4

Буря житейскаго моря сокрушает духовный корабль наш волнами мирских попечений, и мир убогих душ наших мятется. И где обрящем тихое пристанище спасения? Токмо на Тя возлагаем надежду, Владычице; имущи бо державу непобедимую, от всяких бед, глада, скорбей и болезней избави нас, верно вопиющих Богу: Аллилуиа.

Икос 4

Слышавше православнии людие повеление Твое, Владычице, молитися пред образом Твоим "Державным", со умилением сердечным прибегают к Твоему всесильному заступлению у престола Всемогущаго Бога и благоговейно вопиют Ти сице:

Радуйся, горняго мира украшение; радуйся, дольняго мира заступление.

Радуйся, Дщи благословенная Отца Небеснаго; радуйся, Родительнице неискусомужная Сына Предвечнаго.

Радуйся, демонския полки побеждающая; радуйся, враги спасения человеческаго посрамляющая.

Радуйся, яко волею Твоею сокрушаются еретические главы; радуйся, яко вернии Тобою сподобляются славы.

Радуйся, телес наших безмездная Целительнице; радуйся, душ наших к Царствию горнему Путеводительнице.

Радуйся, яко сотвори Тебе величие Сильный; радуйся, яко призре на смирение Твое Господь.

Радуйся, Мати Божия Державная, Заступнице усердная рода христианскаго.

Кондак 5

Боготечная звезда явися нам, Владычице, честная Твоя икона "Державная", страну Российскую всю обтекающая и лучами чудес Твоих осиявающая всех блуждающих по морю страстнаго жития, мрак печалей и мглу всяческих недуг и скорбей прогоняющая и наставляющая на путь спасения с верою к Тебе притекающих и вопиющих Богу: Аллилуиа.

Икос 5

В дни лютых скорбей и злых обстояний явила еси нам, Владычице, велию милость обретением честныя иконы Твоея "Державныя", да вси, с верою молящиися пред нею, приимут здравие и душ спасение. Сего ради и мы, прославляюще Твое милосердие неизреченное, усердно вопием Ти сице:

Радуйся, светило незаходимое, светом истиннаго богопознания нас просвещающее; радуйся, Вратарнице, двери райския верным отверзающая.

Радуйся, многотекущая река Божественныя благодати; радуйся, неистощимый источниче святыни.

Радуйся, ко благочестию наша Наставнице; радуйся, душ наших освящение.

Радуйся, кающихся грешников с Богом примирение; радуйся, добрыя обеты приемлющая.

Радуйся, благим намерениям способствующая; радуйся, злыя начинания разрушающая.

Радуйся, вражия козни расторгающая; радуйся, скорая человеком Помощнице.

Радуйся, Мати Божия Державная, Заступнице усердная рода христианскаго.

Кондак 6

Воспеваем Твое милосердие досточудное и многое к нам снисхождение, Пресвятая Богородице, не престаеши бо молитися о нас, грешных, Сыну Твоему и Богу нашему, еже отвратити гнев Его праведный, на ны движимый, и помиловати всех, верно вопиющих Богу: Аллилуиа.

Икос 6

Возсиявает в души наша, омраченныя скорбию и унынием от множества согрешений, свет благодатнаго утешения, и сердце наше исполняется веселия и радости, егда непрестанными Твоими, Владычице, вразумлениями возбуждаеши нас вопити к щедрому Богу, да милостив будет и простит нам прегрешения наша. Не премолчи убо, Владычице, наставляющи и вразумляющи нас, зовущих Ти сице:

Радуйся, в скорбех и болезнех долготерпению нас научающая; радуйся, вся помышления наша к распятому за грехи мира Спасителю устремляющая.

Радуйся, страдания Его и крестную смерть в памяти нашей обновляющая; радуйся, правосудием Божиим к ожесточенным и нераскаянным нас устрашающая.

Радуйся, ожиданием будущих небесных благ нас услаждающая; радуйся, к наследству нетленному и вечному нас приводящая.

Радуйся, наследниками Царствия Божия нас сотворяющая; радуйся, трапезо святая, хлебом жизни нас питающая.

Радуйся, маслино благоплодная, елеем милости сердца умягчающая; радуйся, яко молитвою пред иконою Твоею приемлем духовное утешение.

Радуйся, яко сердцам нашим даруеши благодатное сокрушение; радуйся, яко благостынею Твоею угашаеши в нас огнь нечестия.

Радуйся, Мати Божия Державная, Заступнице усердная рода христианского.

Кондак 7

Хотяй всем человеком спастися и в разум познания истины прийти, премилосердный Господь и Создатель наш посла во дни гневнаго посещения Своего ангела пресветла в новоявленнем образе Твоем "Державнем", да вси, с верою молящиися пред ним, приимут помощь и заступление Твое всесильное и радостно вопиют Всемогущему Богу: Аллилуиа.

Икос 7

Новую показа милость всех Творец и Владыка наш Господь, егда положи во гневе Своем наказати род человеческий огнем, мечем, гладом и болезньми, сотвори сие наказание для многих человеков ко вразумлению и исправлению во спасение душ. Сего ради и мы, Владычице, припадающе к Пречистому образу Твоему "Державному", усердно молим Тя: не даждь нам погибнути до конца, но милосердия двери отверзи нам, вопиющим Ти сице:

Радуйся, неприступнаго Божества селение; радуйся, ангельское непрестающее удивление.

Радуйся, рабов Божиих тайное вразумление; радуйся, Заступнице всех сущих в скорбех и болезнех.

Радуйся, благодатное безстрастие ищущим его подающая; радуйся, всех в чистоте целомудрия живущих зело любящая.

Радуйся, пристанище небурное подвижников благочестия; радуйся, гневом Божиим вразумляющая сынов нечестия.

Радуйся, безмолвствующих сладкая Собеседнице; радуйся, отшельников Христа ради крепкое упование.

Радуйся, постников Божественное радование; радуйся, пустынножителей тихое веселие.

Радуйся, Мати Божия Державная, Заступнице усердная рода христианскаго.

Кондак 8

Странни и пришельцы есмы на земли сей: житие бо наше суетно и маловременно есть. Мы же смерти безвестное во ум никогдаже приемлем, ни помышляем о Страшнем судищи Христове, в немже имамы праведному Судии предстати и дати ответ о всяком же деле и слове. Темже молим Тя, Владычице: возбуди нас скоро от сна греховнаго, да не постигнет нас час смерти неисправленных и да сподобимся Твоим ходатайством получити беззакониям нашим прощение и во гласе радования воспевати Христу Богу: Аллилуиа.

Икос 8

Вся бывши горе, к небесным взята еси и земных не оставляеши, Пресвятая Богородице, священным Твоим предстательством: имаши бо дерзновение к Сыну Твоему и Богу нашему. Темже утверди, Владычице, в мире глубоце страну нашу православную и вся полезная даруй рабом Твоим, да величающе воспеваем Ти тако:

Радуйся, умным очесем нашим горький и страшный час смертный представляющая; радуйся, на кийждо день, аки уже на последний жития нашего, взирати нас научающая.

Радуйся, любити мир и яже в мире нам воспрещающая; радуйся, пристрастие к тленному богатству из сердц наших искореняющая.

Радуйся, вся блага земная быти привременна и скоропреходяща нам показующая; радуйся, славы человечи, аки тени преходящия, искати нам возбраняющая.

Радуйся, яко сладчайшее имя Господа Иисуса Христа устами непрестанно произносити и во уме держати нас побуждаеши; радуйся, яко от празднословия, многоглаголания, паче же от кощунства нас удержаваеши.

Радуйся, яко воздержанию в пищи и питии приобучити нас печешися; радуйся, яко Твое за нас ходатайство сильно есть пред Богом, еже не вверженным нам быти во тьму кромешнюю.

Радуйся, яко присно внушаеши нам омывати грехи своя слезами покаяния, да избавимся геенны адския; радуйся, яко побуждаеши нас день и нощь молитися, да не посланы будем со демоны мучитися.

Радуйся, Мати Божия Державная, Заступнице усердная рода христианскаго.

Кондак 9

Всякое естество ангельское удивися делу Твоего милосердия, Господи, яко даровал еси нам толико твердую и теплую Заступницу роду христианскому во дни гневнаго Своего посещения, нам невидимо сопребывающую, слышащую же Тебе поющих: Аллилуиа.

Икос 9

Витии многовещаннии, непросвещеннии светом истиннаго богопознания, поклонишася златому тельцу. По слову же апостола, всяк любостяжатель есть идолослужитель. Сего ради Божие гневное посещение всему миру зряще, и мы, грешнии, смиренно молим Тя, Владычице: умилостиви Создателя, да потщится гнев Свой праведный преложити на милость и помиловати нас, вопиющих Ти сице:

Радуйся, яко Твоея помощи и заступления никогдаже нас лишаеши; радуйся, яко ум наш, омраченный небрежением, светлым Твоим покровом озаряеши.

Радуйся, яко Тобою от страстей телесных избавляемся; радуйся, яко Тобою сладостей духовных исполняемся.

Радуйся, твердое Православия укрепление; радуйся, честное Пресвятыя Троицы носило и похваление.

Радуйся, и во временней жизни полезная нам подающая; радуйся, душевныя раны наша елеем спасительным умащающая.

Радуйся, яко из рова беззаконий наших рукою Твоея помощи нас исхищаеши; радуйся, яко греховный сон душевредныя нашея лености отрясаеши.

Радуйся, душевное умиление и сердечное сокрушение в нас раждающая; радуйся, яко твориши всем спастися, в державный покров Твой прибегающим.

Радуйся, Мати Божия Державная, Заступнице усердная рода христианскаго.

Кондак 10

Спасти хотя многия люди от обдержащих их скорбей и болезней и веру их утвердити во всесильное заступление Твое, Владычице, даровала еси нам изображение честныя иконы Твоея "Державныя", да вси, видяще являемую Тобою милость, вопиют со умилением Богу: Аллилуиа.

Икос 10

Стена явилася еси, Богородице Дево, Российстей стране честными Твоими иконами, изливающи чудеса во бранех и осеняющи благодатною помощию Твоею христолюбивых воинов. Под державным бо покровом Твоея благости Российская страна созидашеся, и врата адова не одолеша Православныя Церкве Христовы. Сего ради припадающе к честней иконе Твоей "Державней", радостно вопием Ти сице:

Радуйся, Российския страны покрове и утверждение; радуйся, от нашествия иноплеменных избавление.

Радуйся, сущих в пленении свобождение; радуйся, от глада и болезней наше спасение.

Радуйся, саде земли обетования; радуйся, цвете Божественнаго саждения.

Радуйся, лозо добродетельная винограда Христова; радуйся, древо чудоточное рая Иисусова.

Радуйся, жилище и дом Христа Бога нашего; радуйся, вместилище неизреченныя Его славы.

Радуйся, Владычице, Всемилостивая Подательнице щедрот; радуйся, яко много может молитва Твоя пред Сыном Твоим и Богом нашим.

Радуйся, Мати Божия Державная, Заступнице усердная рода христианскаго.

Кондак 11

Пение хвалебное и благодарственное приносим Ти, Владычице, под державным бо покровом Твоея благости пребываем в непостыдней надежде всесильнаго заступления Твоего за нас, грешных, и все упование наше на Тя возложивше, радостно вопием Богу: Аллилуиа.

Икос 11

Светильницы наши угасоша, елея же благих дел не имамы, во еже возжещи благодать Духа Святаго. И где обрящемся, окаяннии, сном греховным отягченнии, егда постигнет нас внезапу в полунощи час кончины нашея? Но да не услышим и мы, якоже юродивыя девы, грознаго гласа Жениха: не вем вас! Помози нам, Владычице, наполнити сосуды душ наших елеем благих дел, паче же милосердия и смирения, да благодарственно воспоем Ти сице:

Радуйся, яко воспоминанием грядущаго грознаго суда Божия от грехов нас отреваеши; радуйся, яко души наши, аки невесту, ко сретению прекраснаго Жениха Христа предуготовляти нас поучаеши.

Радуйся, яко возбуждаеши нас на всяк день же и час приносити Христу Богу молитвы, прошения и благодарения; радуйся, яко с мудрыми девами, душами праведных, внити в брачный чертог Сына Твоего и Бога нашего помогаеши.

Радуйся, яко в ризу непорочности и чистоты облещися нам способствуеши; радуйся, яко стати нам на Страшнем суде Христовом одесную Его ходатайствуеши.

Радуйся, яко благоутробие Божие о причастии нас лику избранных умоляеши; радуйся, яко ум наш, омраченный небрежением, светом Своим озаряеши.

Радуйся, яко голубину простоту и агнчу кротость стяжати нам приискренне желаеши; радуйся, яко самоотвержению и отречению от злыя нашея воли приобучити нас тщишися.

Радуйся, яко младенческое незлобие даровати нам способствуеши; радуйся, яко хладное сердце наше молитвами воспламеняти нам помогаеши.

Радуйся, Мати Божия Державная, Заступнице усердная рода христианскаго.

Кондак 12

Благодать прияла еси, Владычице, от Всемогущаго Господа Бога миловати благочестивых чад Церкве Христовы и вразумляти нечестивых сынов ея. Сего ради, притекающе под державный покров Твоея благости, усердно молим Тя, Владычице: избави нас от ухищрений духов злобы, разслабляющих наши душу и тело леностию и нерадением, и возбуди нас от сна греховнаго, да благодарственно вопием Богу: Аллилуиа.

Икос 12

Поюще Твоя чудеса, бывшая в древняя и настоящая времена, хвалим Тя, Владычице, яко живоносный источник благодати и неистощимую чудес реку, бездну бо милости и щедрот даровала еси роду христианскому явлением честных икон Твоих. Сего ради и мы, припадающе к честней иконе Твоей "Державней", со умилением вопием Ти сице:

Радуйся, Церкве Небесныя и земныя украшение; радуйся, девства честный покрове и ограждение.

Радуйся, светлое пророческое сбытие; радуйся, всехвальных апостолов восхваление.

Радуйся, честная похвало иереев благоговейных; радуйся, молние, неверных устрашающая.

Радуйся, славою чудес Твоих верных смыслы озаряющая; радуйся, печаль и скорбь нашу в радость претворяющая.

Радуйся, яко молиши Сына Твоего и Бога нашего всем нам спастися; радуйся, яко твориши милости всем в державный Твой покров притекающим.

Радуйся, Заступнице всех сущих в скорбех и болезнех; радуйся, всем с верою Тебе молящимся полезная дарующая.

Радуйся, Мати Божия Державная, Заступнице усердная рода христианскаго.

Кондак 13

О Всепетая Мати, Державная Владычице! Приими ныне сие малое моление наше и величия ради благости Твоея и неизреченных щедрот Твоих не помяни множества грехов наших, но исполни во благих прошения наша: даруй нам вся потребная к жизни и благочестию, избави нас от глада, болезней и печали, и Царствия Небеснаго наследники всех сотвори, верно вопиющих Богу: Аллилуиа.

Этот кондак читается трижды, затем 1-й икос «Ангелом радость приимшая…» и 1-й кондак «Избранней от всех родов …».

Молитва первая

О Державная Владычице, Пресвятая Богородице, на объятиих Своих держащая Содержащаго дланию всю вселенную, Царя Небеснаго! Благодарим Тя за неизреченное милосердие Твое, яко благоволила еси явити нам, грешным, сию святую чудотворную икону Твою во дни сии. Благодарим Тя, яко призрела еси с высоты святыя Своея на чад православных, и, яко солнце светлое, увеселяеши ныне изнемогшия от печали очеса наша пресладостным зрением державнаго образа Твоего! О Преблагословенная Матерь Божия, Державная Помощнице, Крепкая Заступнице, благодаряще Тя, со страхом и трепетом, яко раби непотребнии, мы припадаем, со умилением, с сокрушением сердечным, со слезами молим Тя: вкорени в сердцах всех нас правду, мир и радость о Дусе Святе, водвори в стране нашей тишину, благоденствие, безмятежие, любовь друг ко другу нелицемерную! Державою Твоею всесильною поддержи нас, слабых, малодушных, немощных, унылых, подкрепи, возстави! Яко да под державою Твоею всегда храними, поем, величаем и славим Тя, Державную Заступницу рода христианскаго во веки веков. Аминь.

Молитва вторая

О мира Заступнице, Матерь Всепетая, со страхом, верою и любовию припадающе перед честною иконою Твоею Державною, усердно молим Тя: не отврати лица Твоего от прибегающих к Тебе, умоли, Милосердная Матерь Света, Сына Твоего и Бога нашего, Сладчайшего Господа Иисуса Христа, да сохранит в мире страну нашу, да утвердит державу нашу в благоденствии, да избавит нас от междоусобныя брани и укрепит Святую Церковь нашу Православную, да непозыблему соблюдет ю от неверия, раскола и ересей. Не имамы бо иныя помощи, не имамы иныя надежды, разве Тебе, Пречистая Дево: Ты еси Всесильная христиан Заступница пред Богом, праведный гнев Его умягчающая. Избави всех, с верою Тебе молящихся, от падений греховных, от навета злых человек, от глада, скорбей и болезней. Даруй Нам дух сокрушения, смирение сердца, чистоту помышлений, исправление греховныя жизни и оставление согрешений наших, да вси, благодарне воспевающе величия Твоя, сподобимся Небеснаго Царствия и тамо со всеми святыми прославим Пречестное и великолепое Имя в Троице славимаго Бога: Отца, Сына и Святаго Духа. Аминь.

Источник Акафиста: http://akafistnik.ru/akafisty-ko-presvyatoj-bogoroditse/akafist-presvyatoj-bogoroditse-pred-ikonoj-derzhavnaya